“WhatsApp”ın beta versiyasında kanallarda və statuslarda daxili reklamları söndürən ödənişli abunə ilə bağlı qeyd aşkarlanıb.
Rəsmi olaraq “WhatsApp”da belə bir abunənin istifadəyə verilməsi planları barədə məlumat verilməyib. Onun necə işləyəcəyi və qiymətinin nə qədər olacağı hələlik məlum deyil, nəşr bildirir.
2025-ci ilin yayında messencer kanalların paylaşımlarına və istifadəçilərin statuslarına baxmaq mümkün olan “Aktual” bölməsində reklam göstərməyə başlayıb. Xidmətdə bildirilib ki, istifadəçi messencerdən yalnız yazışma üçün istifadə edirsə, reklamlara rast gəlməyəcək.
Həmin vaxt “WhatsApp” həmçinin açıqlayıb ki, gələcəkdə müəlliflər eksklüziv məzmuna çıxış üçün kanallar üzrə ödənişli abunələr işə sala biləcək və kanalların axtarışda irəli çəkilməsi üçün alətlər əldə edəcəklər.
