“WhatsApp” qruplar üçün səsli çat (Voice Chat) funksiyasını təqdim edib, Banker.az bu barədə VC.ru-ya istinadən xəbər verir. Yenilik 32-dən çox iştirakçının olduğu qruplarda işləyir. Şirkətdən verilən məlumata görə, o, “yaxın həftələrdə” bütün dünyada əlçatan olacaq.
Səsli çatlar “Discord”, “Telegram” və “Slack”da oxşar funksiyaları xatırladır. Onlar hər bir iştirakçıya zəng etmədən ünsiyyətə başlamağa imkan verir. Zəng zamanı iştirakçılar mesajlaşmağı davam etdirə bilərlər.
Xatırladaq ki, daha öncə messencer gizli kod vasitəsilə çatları qorumaq funksiyasını işə salıb. Yeniləmə Android cihazlarında messencerin 2.23.24.20 versiyasının bəzi istifadəçiləri üçün əlçatandır. Onu “Google Play”da tapmaq mümkündür.
