Hazırda İranda davam edən hərbi əməliyyatlar Fars körfəzindən neft və neft məhsullarının ixracını gündə təxminən 15 milyon barel azaldır. “Wood Mackenzie” tədqiqat şirkətinin proqnozuna görə, bu vəziyyət neftin qiymətinin əhəmiyyətli dərəcədə artaraq bir barel üçün 150 dollara çatmasına səbəb ola bilər.
İranın İslam İnqilabı Keşikçiləri Korpusu bəyan edib ki, ABŞ və İsrail tərəfindən hərbi əməliyyatlar dayandırılmayana qədər regiondan neft ixracına icazə verilməyəcək.
“WoodMac”ın məlumatına görə, Fars körfəzi ölkələri gündə təxminən 20 milyon barel maye karbohidrogen istehsal edir və bunun 15 milyon bareli dünya bazarına ixrac olunur.
Şirkətin fikrincə, bazarda balansın bərpa olunması üçün qlobal neft tələbinin gündə 105 milyon barelə qədər azalması tələb olunacaq. Bu isə yalnız yaxın gələcəkdə Brent markalı neftin qiymətinin bir barel üçün 150 dollara yüksəlməsi halında mümkün ola bilər.
“WoodMac” həmçinin hesab edir ki, 2026-cı ilə qədər neftin qiyməti bir barel üçün 200 dollara çata bilər.
Problem xüsusilə Avropa üçün kəskin xarakter daşıyır, çünki regionun neft emalı zavodları aviasiya yanacağının 60%-ni və dizel yanacağının 30%-ni təmin edir.
Bu vəziyyətdə münaqişənin davametmə müddəti, Hörmüz boğazının bağlanması və ABŞ Hərbi Dəniz Qüvvələrinin gəmiçiliyin təhlükəsizliyini təmin etmək qabiliyyəti əsas amillər olacaq.
Münaqişə başa çatdıqdan sonra isə tədarük həcmlərinin bərpası yavaş templə baş verəcək.
