“Wall Street Journal”-in verdiyi məlumata görə, 2020-ci ildən etibarən “Royal Dutch Shell” şirkəti Şotland adaları ilə Norveç arasında Şimal dənizindəki Brent yatağında neft hasilatını tamamilə dayandıracaq.
Xatırladaq ki, Şotlandiyanın sahilindən 186 km uzaqlıqda və 140 m dərinlikdə yerləşən Brent yatağı, 1971-ci ildə aşkar edilmişdir və həmin dövrdə dünyanın ən böyük neft yataqlarından biri sayılıb. Neft istehsalı daim artmağa davam edirdi və artıq 1982-ci ildə burada dörd neft platforması quraşdırıldı (“Alpha”, “Bravo”, “Charlie” və “Delta”), gündə təxminən 500 min barel neft hasil olunurdu. 1990-cı illərin əvvəllərində Brent yatağı Böyük Britaniyanın neftə olan tələbatının 13%-ni, qaza isə 10%-ni təmin edirdi.
Lakin 1990-cı illərin sonlarında Brent istehsalı kəskin şəkildə aşağı düşməyə başlayıb və ona Şimal dənizinin digər yataqlarından hasil edilən neft əlavə edərək qarışığa çevrilmişdir. “Delta” yatağı fəaliyyətini 2011-ci ildə, “Alpha” və “Bravo” isə 2014-cü ilin noyabrında dayandırmışdır.
“Royal Dutch Shell” şirkətinin verdiyi məlumata görə, BFOET-nin tərkibində Brent-in miqdarı cəmi 1% təşkil edir, 2020-ci ildə “Charlie” platforması fəaliyyətini dayandırandan sonra Brent yatağında istifadə edilməyəcək.
Mütəxəssislərin bildirdiyi kimi, indiyə kimi Brent yatağından 2 milyard bareldən çox neft istehsal edilmişdir.
