Amerikanın “McKinsey” konsaltinq şirkəti Çində genişmiqyaslı ixtisar planlaşdırır – o, təxminən 500 işçini, yəni bütün işçilərin üçdə birini ixtisar etmək niyyətindədir, bu barədə “The Wall Street Journal” yazır.
“McKinsey” həmçinin Çinin dövlət şirkətləri arasında müştərilərin sayını azaldacaq və ölkədə xarici korporasiyalarla işləməyə diqqət yetirəcək. WSJ qeyd edir ki, bu qərar ABŞ-Çin münasibətlərinin pisləşməsi fonunda Çində biznes qurmaq risklərinin artması ilə bağlıdır.
Bildirilir ki, bir çox Çin şirkətləri artıq “McKinsey”in xidmətlərindən imtina ediblər. “Shensixing” araşdırma firmasına görə, sektordakı xarici şirkətlər keçən il Çindəki gəlirlərinin 6% azaldığını görsələr də, hələ də yerli bazarın təxminən 40%-nə sahibdirlər.
