“Xəmsə Sığorta və Təkrarsığorta Brokeri”nə Beynəlxalq sığorta və təkrarsığorta əməliyyatları üzrə direktor müavini təyin olunub.
Banker.az xəbər verir ki, bu vəzifə Elçin Süleymanova həvalə edilib.
Elçin Süleymanov 2021-ci ilin sentyabr ayından indiyə kimi “Qala Sığorta” ASC-də Anderraytinq və təkrarsığorta departamentinin rəhbəri, 2016-ci ilin iyulundan 2021-ci ilin sentyabr ayına kimi İddialara baxılması departamentinin direktoru kimi vəzifələrdə çalışıb.
O, 2005-2009-cu illərdə Azərbaycan Memarlıq və İnşaat Universitetində Sığorta biznesinin təşkili üzrə bakalavr dərəcəsinə, 2010-2012-ci illərdə magistr dərəcəsinə, 2014-2018-ci illərdə isə fəlsəfə doktoru (PhD) dərəcəsinə yiyələnib.
