2016-cı maliyyə ili ərzində “Xalq Bank” ASC “Cənub Qaz Dəhlizi” QSC-nin buraxdığı 8 mln. dollar dəyərində avrobond (istiqraz) alıb.
Bankın 2016-cı il üzrə audit hesabatına istinadən, istiqrazlara Azərbaycan Respublikasının suveren zəmanəti verilib.
İstiqrazlar üzrə gəlirlilik 6,875% təşkil edir. Ödənişlər ildə iki dəfə – martın 24-ü və sentyabrın 24-ü yerinə yetirilməlidir.
Son ödəniş müddəti 2026-cı il olan qiymətli kağızlar İrlandiya Fond Birjasında yerləşdirilib.
