“Göygöl Şərab Zavodu” ASC 2022-ci ili 789 min manat zərər ilə başa vurub. 2021-ci ildə şirkət 208 min manat mənfəət etmişdir.
Banker. az bu barədə şirkətin maliyyə hesabatına istinadən xəbər verir.
Ötən il “Göygöl Şərab Zavodu” ASC-nin əsas əməliyyat gəlirləri 15 milyon 52 min manat (əvvəlki ilə nisbətən 15% az), əməliyyat xərcləri 16 milyon 667 min manat (8% az) təşkil edib.
160 illik tarixə malik “Göygöl Şərab Zavodu” ASC Azərbaycanın ən qədim şərab, konyak, şampan və araq istehsal edən müəssisəsidir. Zavod əsasən “Xan”, “Göygöl”, “Karabakh” markaları ilə şərablar istehsal edir.
