Amerikanın “Xerox” şirkəti printer istehsalçısı “Lexmark International”ı almaq üçün razılığa gəlib. Bu barədə şirkət öz saytında məlumat yayıb. Əməliyyatın məbləği 1.5 milyard dollar təşkil edəcək ki, bura şirkətin mövcud sahibləri – Asiya investisiya şirkətləri olan “Ninestar Corp”, “PAG Asia Capital” və “Shanghai Shouda Investment Centre” daxildir.
Satınalmanı maliyyələşdirmək üçün “Xerox” illik dividendlərini yarıya endirəcək (bir səhm üçün 1 dollardan 0.5 dollara qədər). Sövdələşmənin gələn ilin ikinci yarısında bağlanacağı gözlənilir.
Şirkət hesab edir ki, bu sövdələşmə “Xerox”un portfelini gücləndirəcək və hibrid iş yerlərində müştərilərin inkişaf edən ehtiyaclarını ödəmək üçün daha səmərəli çap xidmətləri biznesi yaradacaq.
“Xerox” səhmləri bazar ertəsi ticarətdə 11.7% bahalaşıb. İlin əvvəlindən şirkətin kapitallaşması iki dəfə azalaraq 1 milyard dollara düşüb.
