“Xiaomi” bu gün, mayın 4-də Çində 13 Ultra flaqman smartfonunun yeni versiyalarını təqdim edib, Banker.az bu barədə xarici mediaya istinadən xəbər verir. Şirkət 13 Ultra-nın mavi, narıncı və sarı rəngini nümayiş etdirib. Hər üç versiyanı 16 GB RAM + 512 GB yaddaş konfiqurasiyasında 941 dollar qiymətinə öncədən sifariş etmək mümkündür.
Xatırladaq ki, Xiaomi 13 Ultra 120 Hz tezliyə və 2600 nit parlaqlığa malik 6.73 düymlük QHD + AMOLED ekranla təchiz edilib. Yenilik həmçinin Qualcomm Snapdragon 8 Gen 2 prosessoru, LPDDR5 RAM və UFS 4.0 daxili yaddaş alıb.
Smartfon Android 13 əməliyyat sistemi ilə işləyir. Xiaomi 13 Ultra 5000 mAh batareya ilə təchiz edilib və 90W sürətli yükləmə funksiyasını dəstəkləyir.
