“Xiaomi” şirkəti Android 12 əsasında Android Go əməliyyat sistemi ilə işləyən yeni “Redmi A1” smartfonunu təqdim edib. Cihazın sentyabrın 9-u satışa çıxacağı gözlənilir. Yenilik mavi, qara və açıq-yaşıl rənglərdə təqdim olunub.
Banker.az bu barədə xarici mediaya istinadən xəbər verir.
“Redmi A1” modeli 6.52 düymlük HD+ ekran, 5 MP ön kamera, MediaTek Helio A22 prosessoru, 4G/LTE modemi, 2 Gb operativ və 32 Gb daxili yaddaşla təchiz edilib. Smartfonun batareyasının tutumu 5000 mAh, qiyməti isə cəmi 80 ABŞ dolları təşkil edir.
