“Xiaomi” yeni məhsullarının təqdimatı çərçivəsində yeni 13 Ultra modelini təqdim edib. Çində smartfonun satışı 2023-cü ilin yazında başlaması gözlənilir. Qara, ağ və tünd yaşıl rənglərdə təqdim olunan yenilik daha sonra digər bazarlarda da görünəcək.
Banker.az bu barədə Kommersant-a istinadən xəbər verir.
13 Ultra flaqman sayılan Snapdragon 8 Gen 2 prosessoru, 12 və ya 16 Gb operativ yaddaş və 256, 512 və ya 1 Tb daxili yaddaş alıb. Smartfon 6.7 düymlük AMOLED-displey, 5000 mAh tutumlu akkumulyator, 32 Mp ön və 50+12 Mp arxa kamera ilə təchiz edilib. Yüksək keyfiyyətli kameralar 13 Ultra smartfonunun əsas fərqləndirici cəhətidir.
Burada xüsusi rejimlər də var: Leica Vibrant və Leica Authentic – Leica M, həmçinin Adobe foto redaktorunda sonrakı redaktə DNG formatında çəkiliş imkanı. Qiymətlərə gəldikdə, smartfonun 256 Gb-lıq versiyası 5999 yuan, 512 Gb-lıq versiyası 6499 yuan, 1 Tb-lıq versiyası isə 7299 yuandır.
