Xorvatiyanın seçki məntəqələrinin 99,48 faizinin məlumatlarına əsasən, 74,67 faiz səslə hazırkı prezident Zoran Milanoviç ikinci tur prezident seçkilərində qalib gəlib.
Seçici fəallığı 44,16 faiz təşkil edib. Məlumatda qeyd edilib ki, Z.Milanoviç 1 milyon 114 min 383 seçici səsini toplayıb.
Qeyd edək ki, səsvermənin birinci turu 2024-cü il dekabrın 29-da keçirilib. Səkkiz namizəddən heç biri 50 faizdən çox səs toplaya bilməyib. Z.Milanoviç 49,09 faiz, keçmiş elm, təhsil və idman naziri Primorak isə 19,35 faiz səs toplayıb. Seçki qaydalarına görə, səsvermənin ikinci turunda qalib gəlmək üçün namizədin rəqibindən daha çox səs toplaması lazımdır.
