Azərbaycanda xüsusi karantin rejiminin tam aradan qaldırılması məsələsində tələsmək olmaz.
Bu sözləri jurnalistlərə açıqlamasında Səhiyyə naziri Teymur Musayev deyib.
“Maska rejimi ləğv olunub, indi isə tək-tük məhdudiyyətlər var ki, ÜST-un tövsiyələrinə əsasən, biz də payız aylarında ayıq-sayıq olmalıyıq. Çünki, istənilən halda, koronavirusun yeni ştamları çıxa bilər, bu baxımdan, yeni mutasiyası olub-olmamasını bilmədiyimiz üçün mümkün qədər diqqətli olmalıyıq”, – o deyib.
