2025-ci il yanvarın 1-dən “WhatsApp” messenceri 4.4 və daha köhnə Android əməliyyat sistemləri ilə işləyən cihazlarda fəaliyyətini dayandıracaq.
Xüsusilə, bu, 10 il bundan qabaq populyar olan “Samsung Galaxy S3”, “Galaxy Note 2”, “Motorola Moto G” (1-ci nəsil), “HTC One X”, “LG Nexus 4” və “Sony Xperia Z” smartfonlarına təsir edəcək.
Tərtibatçılar dəstəyin dayandırılmasını yeni funksiyaların, o cümlədən daha müasir avadanlıq tələb edən süni intellekt texnologiyalarının tətbiqinin zəruriliyi ilə izah edirlər.
Köhnə smartfonların istifadəçilərinə “WhatsApp” məlumatlarını əvvəlcədən daha müasir cihazlara ötürmək tövsiyə olunur. Əks halda, 2025-ci il yanvarın 1-dən sonra söhbətlərə və media fayllarına giriş itiriləcək.
