26 C
Baku
Saturday, April 20, 2024

“Yapı Kredi Bank Azərbaycan” 23 yaşını qeyd edir!

®11 Yanvar 2000-ci il tarixində Azərbaycan Mərkəzi Bankının lisenziyası əsasında “Koçbank Azərbaycan LTD” adı ilə fəaliyyətə başlayan Yapı Kredi Bank Azərbaycanın bu gün 23 yaşı tamam olur.

“Yapı Kredi Bank Azərbaycan” QSC Türkiyənin nüfuzlu Koç Qrupuna daxil olan və beynəlxalq çərçivədə törəmə bankları olan Koç Maliyyə Xidmətlərinin tərkibində fəaliyyət göstərir.  Xidmətlərin müştəri tələblərinə uyğun optimallaşdırılması, müştəri ehtiyaclarının düzgün şəkildə anlaşılması və reallaşdırılması bankımız üçün hər zaman olduğu kimi, indi də prioritet əhəmiyyət daşıyır.

Fəaliyyət göstərdiyi müddət ərzində “Yapı Kredi Bank Azərbaycan” bankçılığın pərakəndə və korporativ sahələrində müştərilərinə maliyyə əlçatanlığını asanlaşdırmaq üçün yeni məhsullar təklif etməyə, müştərilər ilə effektiv tərəfdaşlıq qurmağa davam etmişdir. Bu isə öz növbəsində müştəri-bank münasibətlərinin daha da sıxlaşmasına və qarşılıqlı inam prinsipləri əsasında inkişafına öz töhfəsini vermişdir. Buna nümunə olaraq İnternet bankçılığın yaratdığı imkanlardan maksimum faydalanmaqla müştərilərin bank xidmətlərindən daha rahat, operativ və təhlükəsiz istifadəsini və 24/7 fəaliyyət göstərən Çağrı Mərkəzini göstərmək olar.

“Yapı Kredi Bank Azərbaycan”  fəaliyyətində peşəkarlıq, etibarlılıq və yüksək korporativ mədəniyyət meyarlarını rəhbər tutaraq bu illər ərzində öz maliyyə sabitliyini qoruyub saxlamışdır.

Korporativ sosial məsuliyyət strategiyasına uyğun olaraq hər zaman sosial məsələlərə həssas münasibəti ilə seçilən “Yapı Kredi Bank Azərbaycan” qeyd edilən istiqamətdə olan işləri davamlı olaraq həyata keçirir. Son illərdə bank özünüməşğulluğunun təşkili layihəsinə qoşulmaqla həssas əhali qruplarına, aztəminatlı ailələrə, , ölkəmizin ərazi bütövlüyünün qorunması və torpaqlarımızın işğalından azad edilməsində iştirak etmiş qazi və şəhid ailələrinə  bütün lazımi avadanlıqlarla təchiz ederək kiçik bizneslərini qurmağa imkan yaratmışdır. Həmçinin Azərbaycanda ISO 14001:2015 sertifikatını əldə edən ilk bank olaraq, ekoloji göstəricilərimizi daha da yaxşılaşdırmaq, eləcə də iqlim dəyişikliyi ilə mübarizəyə təkan vermək və ətraf mühitə olan təsirimizi minimuma endirmək əsas hədəflərimiz sırasında yer alır.

“Yapı Kredi Bank Azərbaycan” fəaliyyətinin 23-cü il dönümü münasibəti ilə bütün müştərilərini, tərəfdaşlarını və əməkdaşlarını təbrik edir, bundan sonra da Bankımız müştərilərinə yüksək keyfiyyətli xidmət göstərməkdə davam edəcək.

Son xəbərlər
Document

Rəqəmsal Həlləri

  • ERP Sistemi
  • CRM Müştəri Bazası
  • POS Kassa və Satış
  • İcarə
  • Layihələr
  • Anbar
  • Maliyyə
  • İnsan Resursları
  • İstehsalat
  • Satınalma
  • Tapşırıqlar
  • Ticketing
  • Çağrı Mərkəzi
  • Analitika
  • Elektron Ticarət
  • ERP Sistemi
Digər xəbərlər