Yaponiya hökuməti hərbi xərcləri əhəmiyyətli dərəcədə artırmaq və öldürücü silahların ixracına qoyulan qadağanı ləğv etmək qərarına gəlib.
Bu barədə ABŞ-nin “Fox News” telekanalı Yaponiyanın Baş naziri Fumio Kişidanın sözlərinə istinadən məlumat yayıb.
İddia olunur ki, Yaponiya hakimiyyəti müdafiə xərclərini 16 faiz artırmaq, eləcə də İkinci Dünya müharibəsinin bitməsindən – 1945-ci ildən qüvvədə olan silah ixracına qoyulan qadağanı ləğv etmək qərarına gəlib.
Kişida Yaponiyanın pasifist ölkə olaraq qaldığını vurğulayıb:
“Biz qanunun aliliyinə əsaslanan azad və açıq beynəlxalq nizamın müdafiəsinə, Hind-Sakit okeanı regionunda sülh və sabitliyə töhfə verməyə ümid edirik”, – deyə o bildirib.
