Yaponiya Bankı kreditlər üzrə əsas uçot dərəcəsini 0,5%-dən 0,75%-ə yüksəltmək barədə qərar qəbul edib. Bu, 1995-ci ilin sentyabrından bəri ən yüksək göstəricidir. Ölkənin əsas maliyyə tənzimləyicisinin qərarında bildirilir ki, bu addım inflyasiyanın artımını 2% səviyyəsində sabitləşdirmək məqsədi daşıyır.
Qərar Bankın icra şurasının bütün üzvləri tərəfindən yekdilliklə dəstəklənib. Cari il ərzində əsas kredit dərəcəsi artıq ikinci dəfə artırılır. Yaponiya Bankının rəhbərliyi hesab edir ki, bu qərar 2026-cı ildə əməkhaqlarının artmasına və ölkənin ümumi daxili məhsulunun yarıdan çoxunu formalaşdıran istehlakçı tələbinin canlanmasına səbəb ola bilər. Eyni zamanda, “Kyodo” agentliyinin qeyd etdiyi kimi, faiz dərəcəsinin artırılması əhali üçün, o cümlədən ipoteka kreditləri üzrə borc yükünü artırır.
Bu qərar yenanın dollar qarşısında zəif məzənnəsini möhkəmləndirir, çünki ABŞ-də kredit faizləri hələ də Yaponiyadakından daha yüksək səviyyədə qalır. Bu isə idxaldan, xüsusən də taxıl və ət məhsullarından xeyli dərəcədə asılı olan ölkədə ərzaq qiymətlərinin yüksək qalmasına səbəb olur.
