Yaponiya Çin Xalq Respublikasına (ÇXR) öz iqtisadi zonasına düşən raketlərə görə etiraz edib.
Bu barədə Yaponiyanın müdafiə naziri Nobuo Kisi bildirib.
Çin dəniz qüvvələrinin hərbi təlimi zamanı atdığı beş raket Yaponiya sərhədləri yaxınlığına düşüb.
Mərmilərin Yaponiyanın eksklüziv iqtisadi zonasına düşdüyü qeyd edilir.
“Hadisə ilə bağlı Pekinə diplomatik kanallar vasitəsilə etiraz edilib”, – deyə Kisi hadisə ilə bağlı təfərrüatları paylaşıb.
