Fevralın 17-də Yaponiyada Covid-19 pandemiyası əleyhinə vaksinasiyaya başlanılıb. Xatırladaq ki, fevralın 16-da vaksinasiyaya görə məsuliyyət daşıyan Taro Kono ilkin mərhələdə 40 min səhiyyə işçinin vaksinasiya olunacağını açıqlayıb.
Banker.az bu barədə xarici KİV-ə istinadən xəbər verir.
Eyni zamanda, ikinci doza onlara birinci vaksinasiyadan üç həftə sonra vurulacaq. Daha sonra 65 yaşdan yuxarı olan insanların vaksinasiyasına başlanılacaq. Qeyd edək ki, Yaponiyada yaşlıların sayı təxminən 36 milyon təşkil edir. Bu mərhələnin dəqiq tarixi hələ açıqlanmayıb.
Bildirilir ki, ölkənin qalan sakinləri üçün vaksin may ayından sonra əlçatan olacaq.
