Yaponiya da Yaponiyanın baş naziri Fumio Kişida hökumət dəyişikliyi zamanı Xarici İşlər Nazirliyi və Müdafiə Nazirliyinin rəhbərlərini dəyişib, eyni zamanda Nazirlər Kabinetinin əsas strukturunu faktiki olaraq dəyişməz buraxıb.
Eyni zamanda, nazirlər arasında qadınların sayı ilk dəfə olaraq 5-ə çatdırılıb.
Hökumətin yenilənmiş siyahısını Nazirlər Kabinetinin baş katibi Hirokazu Matsuno oxuyub, o da öz vəzifəsini qoruyub saxlayıb.
Xarici İşlər Nazirliyinin yeni rəhbəri 2021-ci ildən bu vəzifədə çalışan Yoşimasa Hayaşini əvəz edəcək 70 yaşlı keçmiş ədliyyə naziri Yoko Kamikavadır.
54 yaşlı Minoru Kihara Yaponiya Müdafiə Nazirliyinin yeni rəhbəri olub. O, əvvəllər nazir vəzifələrində çalışmayıb, lakin baş nazirin milli təhlükəsizlik məsələləri üzrə müşaviri olub. Bundan əlavə, 2013-cü ildə parlamentdə müdafiə nazirinin müavini, 2016-cı ildə isə maliyyə nazirinin müavini olub.
Ümumilikdə hökumətdə ciddi dəyişiklik baş verməyib. Nazirlər Kabinetinin ən nüfuzlu üzvləri vəzifələrini qoruyub saxlayıblar. Belə ki, Shuniçi Suzuki maliyyə naziri, Sanae Takaiçi iqtisadi təhlükəsizlik naziri, Taro Kono rəqəmsallaşma naziri, Yasutoşi Nişimura isə iqtisadiyyat, ticarət və sənaye naziri vəzifələrində qalıb.
