Azərbaycan və Aİ arasında yeni sazişlə bağlı danışıqlar davam edir və bu həftə danışıqlarla bağlı yeni görüş keçirilib.
Bu barədə Avropa İttifaqının Azərbaycandakı Nümayəndəliyinin rəhbəri Peter Mixalko 2022-ci ilin yekunlarına həsr olunmuş mətbuat konfransında deyib.
O, danışıqların uğurla irəlilədiyini deyib.
“Hazırda danışıqlar üstün səviyyədədir və çox irəliləyib. Ancaq bəzi məqamlarla bağlı razılaşmanın əldə olunması ilə əlaqədar müzakirə davam edir. İnanıram ki, çox yaxın zamanda danışıqların tamamlanması və yeni sazişin əldə olunmasına şahid olacağıq”, – səfir əlavə edib.
