“Yeddilik” (G7) ölkələri Münhendə keçirilən danışıqlarda Ukrayna ətrafında yaranmış vəziyyətə görə Rusiyaya qarşı tətbiq edilən sanksiyaları daha da gücləndirmək barədə razılığa gəliblər.
Bu barədə Yaponiya Xarici İşlər Nazirliyinin yaydığı bəyanatda deyilir.
Həmçinin G7 ölkələri Rusiya Federasiyasının məsuliyyətsiz nüvə ritorikasının yolverilməz olduğunu bəyan edərək, ondan istifadənin ciddi nəticələrə səbəb olacağını qeyd ediblər.
“Biz Ukrayna hakimiyyətinə bundan sonra da kömək etmək əzmindəyik” – G7 ölkələrinin XİN başçılarının imzaladığı birgə sənəddə yazılıb.
