ABŞ Federal Ehtiyat Sisteminin (FED) rəhbəri Janet Yellen dünən, fevralın 14-də Senatda, Bank Komitəsi üzvləri qarşısında çıxış edib. “Bloomberg” agentliynə istinadən xəbərə görə, o, çıxışında son 6 ayda FED-in monetar siyasəti barədə məruzə etməklə bərabər uçot dərəcəsinin nə zaman artırılacağı ilə bağlı siqnallar verib. Çıxışı zamanı baş bankir vergi-büdcə siyasətində ediləcək dəyişikliklərin iqtisadiyyatın perspektivlərinə təsirinin hansı ölçüdə olacağını gözləmək lazım olduğunu bildirib.
Bununla yanaşı, Yellen vergi-büdcə siyasətinin uzunmüddətli iqtisadi artım tempini artırmaqda, məhsuldarlığı yüksəltməkdə önəmini vurğulayıb. Həmçinin, o, FED-in təkrar investisiyaların yumşaq monetar siyasəti dəstəklədiyini və Bank rəhbərliyinin iqtisadiyyatın yavaş templərlə inkişaf edəcəyinə inandığını qeyd edib.
Yellen vergi-büdcə siyasətinin monetar siyasətdən asılı olmaması üçün cəhd göstərəcəklərini deyib. Eyni zamanda, vergi-büdcə siyasətinin əhalinin yaşlaşması amili nəzərə alındıqda xeyli dərəcədə dayanıqsız olduğu qeyd edilib. Çıxışına davam edən baş bankir bildirib ki, bir çox FED üzvü vergi-büdcə siyasətində ediləcək dəyişikliklərlə bağlı spekulyasiyalardan uzaq durmağa üstünlük verib və onlar iqtisadi proqnozlar tərtib etməkdən çəkiniblər.
Janet Yellen seems to be on a mission to raise interest rates this year, whatever Trump does https://t.co/Su4UREFHwy pic.twitter.com/huYoC7rqv2
— Bloomberg (@business) 15 February 2017
