“YouTube” videohostinqi kontent müəlliflərinə unikal ləqəb seçməyə imkan verəcək. Tərtibatçıların qeyd etdiyi kimi, bu funksiya ilə müəlliflər və izləyicilər üçün bir-birini tapmaq daha asan olacaq.
Banker.az bu barədə xarici mediaya istinadən xəbər verir.
Yaxın həftələrdə yeni funksiya bütün müəlliflər üçün əlçatan olacaq. Müəlliflərə bu barədə “YouTube”dan elektron məktub göndəriləcək. Əgər istifadəçinin artıq öz URL-i varsa, əksər hallarda o, ləqəb olacaq. Müəllif istəsə, onu dəyişə bilər.
Əgər istifadəçi 14 noyabr 2022-ci il tarixinədək özünə ləqəb seçməsə, o, avtomatik olaraq təyin ediləcək.
