“Azərbaycan manatının məzənnəsinin bəlli bir səviyyədə qalması düzgün deyil, iqtisadiyyatda proseslər getdikcə manat daim öz yeni məzənnəsini tapacaq” .
Bunu jurnalistlərə açıqlamasında Azərbaycan Banklar Assosiasiyasının sədri Zakir Nuriyev deyib.
“Sərbəst üzən məzənnə rejimi olduğu üçün aşağıya da, yuxarıya da getmə ola bilər. Hərəkətlilik həmişə müşahidə edilə bilər. Mən düşünmürəm ki, iqtisadiyyatın ayrı-ayrı sahələri, məsələn, turizmin, meyvəçiliyin qısa müddətdə məzənnəyə təsiri olsun. Kurs müxtəlif parametlər əsasında formalaşır”, – deyə o, qeyd edib.
Mövsümü amillərin manatın məzənnəsinə təsirindən danışan Z.Nuriyev qeyd edib ki, müəyyən dövr ərzində bu amillərin məzənnəyə sistemli təsirini gözləmək doğru deyil: “Məzənnə bir çox parametrlərlə tənzimləndiyi üçün mövsümi amillərin ona təsiri güclü deyil”.
Report, APA
