Şəxsi gigiyena məhsulları istehsalçısı “Essity” Rusiya bazarını tərk etdiyini açıqlayıb.
Banker.az “TASS”a istinadən xəbər verir ki, bu barədə şirkətin mətbuat xidməti məlumat verib. Bildirilir ki, 2021-ci ildə “Essity”nin Rusiyadakı satışları təqribən 2.8 milyard kron (təxminən 29.5 milyon dollar) təşkil edib, bu da 2021-ci ildə ümumi həcmin təxminən 2%-inə bərabərdir.
Qeyd edək ki, “Essity” tualet kağızı, kağız dəsmallar, quru və nəm salfetlər, eləcə də sabunlar, losyonlar və əl təmizləyici vasitələr istehsal edir.
Şirkət Rusiyada 1994-cü ildə işləməyə başlayıb, hal-hazırda onun bu ölkədə 1300-ə yaxın işçisi var.
