İki ulduz futbolçu – Zinəddin Zidan və Fabio Cannavaro növbəti dəfə qarşı-qarşıya gəldi. Lakin bu dəfə buna səbəb gərgin oyun deyil, Visa plastik kartının dünya çempionatı üçün hazırladığı kampaniyanı dəstəkləmək idi. Yaradılmış yeni kampaniyanın sloganı “Everywhere you want to be” formasında təqdim edilib.
Video çarxda Zinəddin Zidanın bir italyan restoranına daxil olduğu təsvir edilir. Bu zaman restoranda olan müştərilər Dünya çempionatı ərəfəsində italyanların məğlub olduğu Fransa-İtaliya qarşılaşmasına tamaşa edirlər. İllər öncə yaşıl meydanda yaşanmış məşhur indisdentin digər iştirakçısı olan Fabio Cannavaro da buradadır. Onlar növbəti dəfə üz-üzə gəlir. Hadisələrin növbəti gedişatını isə gördüyünüz kimi oyunun nəticəsi həll edir.
