“Ziraat Bank Azərbaycan” ASC bu ilin 3-cü rübünü 11 milyon 294 min manat xalis mənfəət ilə başa vurub. Bank ötən ilin eyni dövrünü 6 milyon 413 min manat xalis mənfəət ilə bağlamışdı. Beləliklə, hesabat dövründə “Ziraat Bank Azərbaycan” nın xalis mənfəəti ötən ilin eyni dövrü ilə müqayisədə 76% artıb.
Banker.az bu barədə bankın maliyyə hesabatına istinadən xəbər verir.
“Ziraat Bank Azərbaycan”ın faiz gəlirləri hesabat dövründə 39 milyon 332 min manat təşkil edib ki, ötən ilin eyni dövrü ilə müqayisədə 14.4% artım, qeyri-faiz gəlirləri isə 13 milyon 667 min manat olub ki, bu da ötən ilin eyni dövrü ilə müqayisədə 25% artımdır.
Hesabat dövründə bankın cəmi aktivləri ötən ilin son dövrü ilə müqayisədə 636 milyon 685 min manatdan 804 milyon 957 min manata, o cümlədən müştərilərə verilmiş kreditlər 390 milyon 942 min manatdan 444 milyon 478 min manata, cəmi öhdəlikləri 519 milyon 709 min manatdan 675 milyon 469 min manata yüksəlib.
