View source for Dövlət borcundan və ya dövlət zəmanəti ilə alınmış borcdan istifadəyə nəzarət

'''Dövlət borcundan və ya dövlət zəmanəti ilə alınmış borcdan
istifadəyə nəzarət (control over the use of public debt or debt
with government guarantee)''' – dövlət borcalmaları və ya dövlət
zəmanəti yolu ilə cəlb olunan vəsaitdən istifadə edən şəxs kreditorla
bağladığı müqavilə və ya müvafiq icra hakimiyyəti orqanı ilə bağladığı
təkrar müqavilə üzrə aldığı vəsaitlərin bölüşdürülməsini, istifadəsini
və qaytarılmasını təmin etməlidir. Bu zaman əsas və təkrar borcalan
cəlb olunmuş vəsaitin istifadəsi və qaytarılması (istifadəçiyə şamil
olunmur), öz bank hesablarının vəziyyəti haqqında məlumatları və
digər zəruri məlumatları müvafiq icra hakimiyyəti orqanına təqdim
edir. Cəlb olunmuş vəsaitlərin vaxtında qaytarılmasını təmin etmək
məqsədilə müvafiq icra hakimiyyəti orqanı bu qanunun 8.1-ci
maddəsində göstərilən şəxslər barəsində Azərbaycan Respublikasının
qanunvericiliyinə və onlarla bağlanmış müqavilələrə uyğun olaraq
müvafiq tədbirlər görür. Göstərilən şəxslərin təşkilati-hüquqi forması
dəyişdikdə, onlar yenidən təşkil edildikdə və ya ləğv olunduqda onların
borc öhdəliklərinin yerinə yetirilməsi Azərbaycan Respublikasının
müvafiq qanunvericiliyi ilə tənzimlənir. Dövlət borcalmaları və ya dövlət
zəmanəti ilə alınmış vəsaitlərdən istifadəyə nəzarəti müvafiq icra
hakimiyyəti orqanı həyata keçirir.



----
Mənbə: Dövlət Maliyyəsi Terminləri Lügəti , [[Kənan Aslanlı]]