Moskva meri AST Telmanın “Safisa”sını dağıtmaq istəyir.
Moskva meriyası şəhərdə qanunsuz ticarət və iaşə obyektlərinin söküntüsünün ikinci dalğasını başlatmağa hazırlaşır. Hazırda söküləcək obyektlərin siyahısı hazırlanır. Siyahıya salınacaq obyektlərin bir neçə aydan sonra söküləcəyi bildirilir. Mənbənin Rusiya mətbuatına istinadla verdiyi məlumata görə, Moskvada daşınmaz əmlakdan istifadəyə nəzarət üzrə Dövlət Müfəttişliyinin saytında belə bir xəbər yer alıb.
İdarənin rəhbəri Serqey Şoqurovun sözlərinə görə, paytaxt rəhbərliyi qanunsuz tikililərlə mübarizəni davam etdirmək niyyətindədir. Ekspertlərin texniki analizlər və sənədlərin yoxlanmasını apardığı bir vaxtda siyahıya düşəcək bəzi obyektlərin adı mətbuata düşüb. Mənbənin “Prestupnıy Rossiy” saytına istinadla verdiyi məlumata görə, siyahıda müflis olan azərbaycanlı iş adamı AST Telmanın – Telman İsmayılovun da bir obyekti var. Söhbət Moskvanın ən dəbdəbəli şadlıq saraylarından biri hesab edilən”Safisa”dan gedir.
