Artıq əmək müqaviləsinin bağlanma tarixi əvvəlki dövrə aid olan və hər hansı səbəbdən işəgötürən tərəfindən indiyədək e-sistemə daxil edilməmiş əmək müqaviləsi bildirişlərinin də “Əmək və Məşğulluq” altsisteminə (ƏMAS) əlavə olunması mümkün olacaq.
Banker.az bu barədə Əmək və Əhalinin Sosial Müdafiəsi Nazirliyinə istinadən xəbər verir.
Həmçinin yanlış daxil edilmiş bildirişlərin etibarsız edilməsi üçün Dövlət Əmək Müfəttişliyi Xidmətinə (DƏMX) ƏMAS üzərindən elektron qaydada müraciət etmək də olar.
Qeyd edək ki, əvvəllər işəgötürən tərəfindən xitam bildirişlərinin yalnız 24 saat ərzində etibarsız edilməsi mümkün idi. Hazırda isə işəgötürənlərə heç bir məhdudiyyət qoyulmayıb. Onların müraciətinə DƏMX tərəfindən baxılaraq, uyğun görüldüyü halda müvafiq əməliyyatın icra edilməsinə icazə veriləcək.
