Bir dəfə bir satış meneceri işə düzəlmək üçün bir şirkətə müraciət edir. Direktorla görüş zamanı ona çox da yüksək olmayan əmək haqqı təklif edilir. Lakin satış meneceri təslim olmur. Müsahibə uzun müddət davam etsə də, menecer sonda direktoru nəinki yüksək əmək haqqı barədə, həmçinin faizlər, bonus, idman zalı, mobil əlaqə, nahar, sığorta, vəzifə artımı, məzuniyyət, ezamiyyət, xidmət avtomobili və s. barədə razılığa gətirə bilir. Belə ki, direktor təslim olur və bütün şərtləri qəbul edir. Satış meneceri nə istəyirsə əldə edir.
Menecer işə başlayır və ilk iş ayında satışları iki dəfə, sonra üç dəfə, daha sonra on dəfəyə qədər artırır. Daha sonra isə mebel və ofis ləvazimatları da daxil olmaqla bütün şirkəti satır. Müştəri bazasını rəqib şirkətlərə, müdirin özünü isə vergi orqanlarına satır.
Çünki o işini yaxşı bilən “Ən yaxşı satış meneceri” idi…
