2020-ci il ərzində Azərbaycan 264 milyon 251 min ABŞ dolları dəyərində 19 min 364 ton dərman vasitələri idxal edib.
Banker.az Dövlət Statistika Komitəsinin hesabatına istinadən xəbər verir ki, dərman vasitələrinin idxalı illik müqayisədə həcm ifadəsində 35.8%, dəyər ifadəsində isə 23% artıb.
Azərbaycan 2020-ci ildə ən çox dərmanı Türkiyədən idxal edib. 51 milyon 987 min dollar dəyərində, ikinci yerdə olan Almaniyadan isə 28 milyon 57 min dollarlıq dərman gətirilib. Üçüncü pillədə qərarlaşan Rusiyadan isə ölkəyə gətirilən dərmanın dəyəri 21 milyon 782 min dollar olub.
