ABŞ-ın “Time” nəşrinin mütəxəssisləri mobil əlavələr sahəsində ilin yekunlarını açıqlayıblar.
“Svopi.ru” saytına istinadən məlumatına görə, onlar bu mobil əlavələrin ən yaxşılarının siyahısını yaradıblar. Bu əlavələr həm “Android”, həm də iOS əməliyyat sistemləri üçün uyğun gəlir.
Siyahıya 50 əlavə – “Messages”, “Google Trips”, “Venmo”, “Day One”, “Reddit”,” Signal” kimi proqramlar daxil edilib. Həmçinin top 50-yə rusiyalı istifadəçilərin də arasında xüsusi populyarlıq qazanmış proqramlar daxildir.
Bu əlavələr sırasında şəkil yaratmaq üçün yardımçı olan “Snapchat” xidməti və öz dostları ilə ünsiyyət qurmağa, həmçinin şəkil və video göndərməyə imkan verən “WhatsApp” messenceri də mövcuddur.
Şəkillərin tərtibatı üçün nəzərdə tutulmuş ən yaxşı əlavələr arasında “Prisma Boomerang” əlavəsi də var. Xidmət GİF-ə bənzər görüntü yaratmağa kömək edir.
“Time” mütəxəssisləri tərəfindən “İnstagram” əlavəsi də unudulmayıb. Tərcümə üçün ən yaxşı xidmətin isə “Google Translate” əlavəsi olduğu qəbul edilib.
lent.az
