Sahibkarlığın İnkişafı Fondundan ayrılan güzəştli kreditlərin 95.7%-i mikro, kiçik və orta sahibkarlıq subyektlərinin payına düşür.
Banker.az xəbər verir ki, bunu İqtisadiyyat Naziri Mikayıl Cabbarov deyib.
Nazir bildirib ki, 2021-ci ilin yanvar-may ayları ərzində 339 investisiya layihəsinin maliyyələşdirilməsinə 24.9 milyon manat güzəştli kredit verilib. Bu kreditlər hesabına 770-ə yaxın yeni işyerinin yaradılması nəzərdə tutulur.
Sahibkarlığın İnkişafı Fondunun xətti ilə verilən güzəştli kreditlərin 79%-i regionlarda, 21%-i isə Bakı şəhəri və ətraf qəsəbələrdə fəaliyyət göstərən sahibkarlıq subyektlərinin payına düşür.
Bu kreditlərin 37.6%-i sənayeməhsullarının istehsalı və emalı, 53,7%-i kənd təsərrüfatı məhsullarının istehsalı, 8.7%-i isə digər sahələrin inkişafına yönəldilib.
