Azərbaycan Respublikası Milli Arxiv İdarəsi “Koneks Construction” MMC ilə 9.3 milyon manatlıq müqavilə bağlayıb.
Banker.az xəbər verir ki, müqavilədə ”Azərbaycan Respublikasında arxiv işinin inkişafına dair 2020-2025-ci illər üçün Dövlət Proqramı”nın maliyyə təminatı ilə bağlı “Dövlət Arxivi Sumqayıt filialı üçün arxiv binasının tikintisi işləri”nin satın alınması nəzərdə tutulur.
Müqavilənin dəyəri isə 9 242 699 manatdır.
Qeyd edək ki, “Koneks Construction” MMC 2019-cu ildə dövlət qeydiyyatına alınıb, nizamnamə kapitalı 10 manatdır və qanuni təmsilçisi Mehdi Fərzəliyevdir.
