5 mart – Bədən tərbiyəsi və İdman günü “NIKOIL Bank”ın əməkdaşı Həsən Quliyev karatedəki idman nailiyyətlərinə görə Yasamal rayonu Gənclər və İdman İdarəsi tərəfindən fəxri fərmanla təltif edilmişdir.
Qara kəmər və ikinci dan sahibi olan Həsən Quliyev 1974-ci ildə dünyaya gəlib. O, karate ilə hələ məktəb illərində maraqlanmağa başlamışdır və 2000-ci ildən isə artıq peşəkar səviyyəyə keçmişdir. Həsən Quliyev şotokan – karate idman növündə +85 kq çəki üzrə Azərbaycan çempionu (2013), üç qat Avropa çempionu (2013, 2014 və 2015) və iki qat Dünya çempionudur (2013, 2014). 2016-ci ildə Həsən idman ustası dərəcəsi almışdır.
Qarabağ müharibəsi veteranı, Həsən Quliyev iyirmi ildən artıqdır ki, “NIKOIL Bank” ın əməkdaşıdır. Eyni zamanda o, özəl məşqçi olaraq da fəaliyyət göstərir.
“NIKOIL Bank” Bakı və Azərbaycanın regional mərkəzlərində yerləşən və qabaqcıl satış şəbəkəsi olan universal maliyyə-kredit təşkilatıdır. Bank hesablaşma, depozit, kart, kredit və zəmanət kimi müasir və etibarlı bank xidmətləri əməliyyatlarının tam paketini təklif edir. Bankın bütün məhsulları, aksiyaları və xüsusi təklifləri barədə məlumatı korporativ www.nikoil.az səhifəsinə daxil olaraq və ya (012) 981 qısa nömrəsi ilə əlaqə saxlayaraq əldə edə bilərsiniz. Bankın sosial şəbəkədə rəsmi səhifəsinin ünvanı: https://www.facebook.com/bank.nikoil
