Azərbaycan Respublikası Dövlət Neft Fondu (ARDNF) tərəfindən valyuta hərraclarına çıxarılan dolların məbləğləri açıqlanıb.
ARDNF-dən Banker.az maliyyə portalına verilən xəbərə görə, 2017-ci ilin mart ayı ərzində keçirilən 7 hərracda 250 milyon ABŞ dolları məbləğində vəsait satılmışdır.
Xatırladaq ki, 10 yanvar tarixində təsdiq edilmiş Dövlət Neft Fondunun 2017-ci il büdcəsi haqqında fərmanda Makroiqtisadi sabitliyin təmin edilməsi məqsədilə Azərbaycan Respublikasının Mərkəzi Bankına transfertin yuxarı həddi kimi 7 milyon 500 min manat ayrılması göstərilmişdi.
