Azərbaycan Mərkəzi Bankı xəzinə infrastrukturunda və pul nişanlarının emalı sahəsində istifadə olunan çeşidləyici və qablaşdırıcı sistemlərin istismarını və informasiya sistemlərinin fəaliyyətini təmin etmək üçün mal-materiallarının satın alınması və metal pul nişanlarının emalı üçün qəpiksayan sistemin satın alınmasına dair élan etdiyi tenderi baş tutmamış hesab edib. Bu barədə “İnterfaks-Azərbaycan” agentliyinə AMB-dən məlumat verilib.
„Azərbaycan Mərkəzi Bankı tərəfindən 2 lotdan ibarət açıq tender “Dövlət satınalmaları haqqında” Azərbaycan Respublikası Qanununun 11.1-ci maddəsinə uyğun olaraq baş tutmamış hesab edilib”, – deyə məlumatda deyilir.
Xəbər verildiyi kimi, tender üzrə təkliflərin qəbulu aprelin 24-də başa çatıb.
