Neftin qiyməti dünya bazarlarında bahalaşaraq 2015-ci ilin ortalarında bu tərəfə 60 dolları ötüb.
SAAT 09:03/ Nyu-Yorkun NYMEX əmtəə birjasında keçirilən elektron ticarət əməliyyatlarında WTI (West Texas Intermediate) neftinin qiyməti 1,26$, yəni, 2,39% bahalaşaraq 53,90$-da qərarlaşıb.
Banker.az Bloomberg-ə istinadən xəbər verir ki, ICE London qitələrarası birjasında Brent markalı neftin 1 barelinin dəyəri 1,26$, yəni, 2,39% bahalaşaraq 60,44$-a təklif olunub. Xatırladaq ki, neft sonuncu dəfə bu qiymətdə 2015-ci ilin iyununda olmuşdu.