İlin sonu depozitlər üzrə orta faiz dərəcəsi yüksəldi

Ötən ilin sonunda ölkədə depozitlər üzrə orta faiz dərəcəsində yüksəlmə qeydə alınıb.
Banker.az saytının Mərkəzi Banka istinadən verdiyi məlumata əsasən ilin sonunda depozitlər üzrə orta faiz dərəcəsi manatla 9,51 % , xarici valyuta ilə isə 9,72 % olub.

Həmçinin hüquqi şəxslər üzrə orta faiz dərəcəsi manatla 6,04%, xarici valyuta ilə 3,08%, fiziki şəxslər üzrə isə orta faiz dərəcəsi manatla 9,87 %, xarici valyuta ilə 10,30 % təşkil edib.

Qeyd edək ki, ötən ildə depozitlər üzrə orta faiz dərəcəsinin ən yuxarı faiz dərəcəsi manatla 9,95%-lə 01.03.2013 tarixində, ən aşağı faiz dərəcəsi isə manatla 9,43%-lə 01.11.2013 qeydə alınıb.