Dünya iqtisadiyyatının əsas mərkəzlərindən biri o hesab edilən Avropa İttifqında (Aİ) son günlər müşahidə etdiyimiz siyasi və iqtisadi məslələr Avrozonanın məzənnəsi üçün “narahatlıq” yaratmaqda davam edir.
Banker.az saytı iqtisadçı ekspert Vüqar Bayramovun cari il üçün avro məzənnəsi ilə bağlı fikirlərinə istinadla məlumat verir ki, 2018-ci ilin sonunda Avropa Birliyi büdcəsi ilə bağlı əldə edilən razilaşma avroya nəfəs versə də hələlik avrozonadakı təzyiq tam aradan qalxmadığına görə avro hələ də öz “gərginlik dövrü”-nü yaşayır.
Belə ki, Avropanın bir sıra aparıcı ölkələrindəki siyasi etirazlar avroya təzyiqsiz ötüşmür. Nəticədə avronun dayanıqlılığı zəifləyir.
Bununla belə, Avropa Mərkəzi Bankı 2019-cu ildə uçot stavkasına korrektlər etməyi düşünür. Bu isə o deməkdir ki, əgər siyasi etirazlar sona yetdərsə, avronun məzənnəsində yenidən möhkəmlənmə müşahidə edilə bilər. Digər tərəfdən, bu il qlobal valyuta bazarında volatilliyin – qeyri-sabitliyin yüksək olacağı da proqnozlaşdırılır.
