Rusiya prezidenti Vladimir Putin, KXDR-in lideri Kim Çen İn-i Rusiyaya dəvət edib. Bu məlumat Kremlin rəsmi internet saytında yerləşdirilib. Səfər aprel ayının sonuna planlaşdırılıb.
Banker.az xəbər verir ki, daha əvvəl, Putin ilə Kim Çen İn arasında mümkün ola biləcək görüş haqqında Yonhap agentliyi xəbər vermişdir. Nəşrin müəlliflərinə görə, Rusiya prezidenti aprelin 24-də Uzaq Şərqə səfər edəcək, KXDR lideri ilə görüş 26-27 Aprel tarixlərində Pekində baş tutacaq. Ehtimal olunur ki, Kim Çen İn yolüstü Rusiyaya da səfər edə bilər.
Yonhap agentliyinin verdiyi məlumata görə, Rusiya və KXDR rəhbərlərinin görüşü Vladivostokda keçiriləcək. Kim Çen İn oraya qatarla da gedə bilər.
