Azərbaycanda sığorta hadisələri nəticəsində avtomobillərə dəymiş zərərin qiymətləndirilməsi ilə məşğul olan “Audatex Azerbaijan” MMC-nin direktoru Zakir Kərimzadə işdən çıxıb.
Reporta agentliyi bu barədə şirkətə istinadən xəbər verir.
Məlumata görə, onu Daşdəmir Niftəliyev əvəz edib. Yeni direktor bundan əvvəl müxtəlif sığorta şirkətlərində çalışıb.
Xatırladaq ki, “Audatex Azerbaijan” 2015-ci ildə yaradılıb. Onun nizamnamə kapitalı 15 min manatdır. Şirkətin təsisçiləri 95%-lik payla ABŞ-ın “Solera Holding”i və 5%-lik payla Azərbaycanın İcbari Sığorta Bürosudur.
