Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyi (AKİA) 8 təqvim günü ərzində axtardığı şirkəti nəhayət tapa bilib.
Banker.az bildirir ki, AKİA-nın axtarışda olduğu xidmət kredit kalkulyatorunun hazırlanması ilə bağlı olub.
Bu xidməti yerinə yetirməyi 19,5 min manat müqabilində “ICOMP LTD” adlı şirkət götürüb. Müqavilə isə 2 dekabrda AKİA ilə imzalanıb.
AKİA Azərbaycan Prezidentinin sərəncamı ilə yaradılıb və aqro-sektorda fəaliyyət göstərən fiziki və hüququ şəxslərə güzəştli kreditlər verir. Hazırda 23 maliyyə qurumu ilə AKİA-nın müqaviləsi var və bu əməliyyatları onlar həyata keçirirlər.
Kredit kalkulyatoru – hansı məbləği götürmək istədiyinizi və ödənişləri neçə ay etmək istədiyinizi seçməlisiniz. Sizə sərf edən bank faizini tapdıqdan sonra isə aylıq ödənişlərin miqdarını, cəmi kredit faizlərini və ümumi məbləği tapa bilərsiniz.
