“NBCBank” ASC yarım il ərzində biznes kredit portfelini 2 dəfədən çox artırıb

2014-cü ilin birinci yarısında NBC Bankın kredit portfelində biznes kreditlərinin xüsusi çəkisi əhəmiyyətli dərəcədə artmışdır. Belə ki, qeyd olunan dövrdə bankın biznes kreditlərinin həcmi 2,1 dəfə artaraq 44 mln. 348 min manat təşkil etmişdir. Bankdan verilən məlumata görə, biznes kreditləri əsasən yerli istehsal müəssisələri, kənd təsərrüfatı, heyvandarlıq və s. sahələrin maliyələşdirilməsinə yönəldilmişdir. 2014-1016-ci illəri əhatə edən NBC Bankın Strateji Planına əsasən real sektorun kreditləməsi bundan sonra da sürətlə davam etdiriləcək və Bank milli iqtisadiyyatın inkişafına öz töhvəsini verməyə davam edəcəkdir.