Rusiyalı milyarder Roman Abramoviç Norveç rəssamı Edvard Munkun “Qışqırıq” əsərini alıb.
Sənət əsərinin qiyməti 120 milyon dollar təşkil edib. Qeyd edilir ki, Abramoviç şəklin dörd mövcud variantından birini alıb. Bu barədə Rusiya mətbuatında məlumat yer alıb.
Alqı-satqı hələ mayın 2-də Nyu-Yorkda “Sotheby’s” hərracında baş tutub. İşin ilkin qiyməti 50 milyon dollar olub. Cəmi 15 dəqiqə ərzində yeddi namizəddən biri qalib gəlib. Əsəri telefon bağlantısı vasitəsilə gizli şəkildə alan şəxsin kimliyi (Roman Abramoviç) daha sonra məlum olub.
Roman Abramovich just paid $120 m to buy Munch's 'Scream' painting from a private collection. #chelsea #cfc pic.twitter.com/bo1hQQMFVg
— Emanuel Roşu (@Emishor) June 7, 2020
“Qışqırıq” Edvard Munkun 1893 və 1910-cu illər aralığında yaratdığı şəkillər seriyasıdır. Şəkillərdə qırmızı səma fonunda qışqıran insan fiquru təsvir edilib. O, ekspressionizmin emblemi hesab edilir.
