Finlandiya hökuməti aztəminatlı insanlara ayda 75 avro ödəməyi təklif edib. Banker.az xəbər verir ki, bu barədə çərşənbə günü ölkənin Sosial İşlər və Səhiyyə Nazirliyi məlumat yayıb.
Yardım 2020-ci ilin sentyabrından dekabra qədər ödəniləcəkdir. Təklifə yay tətilindən sonra baxılacaq.
“Müvəqqəti müavinətin məqsədi, pandemiya səbəbindən tətbiq olunan məhdudiyyətlərdən zərər çəkmiş aztəminatlı insanlara dəstək olmaqdır”, – mesajda deyilir.
Qeyd edək ki, Finlandiyada koronavirusa yoluxanların sayı 7117 nəfər təşkil edir, onlardan 326 nəfər vəfat edib. Pandemiyanın yayılma tempi yavaşlayır, həftə ərzində yoluxma halların sayı 20-dən az olmuşdur.
Koronavirusun yayılmasının qarşısını almaq üçün 19 martdan 13 may tarixinədək Finlandiya sərhədləri bağlı olub. Mayın 14-dən başlayaraq Şengen zonası daxilində hərəkətə tətbiq olunan məhdudiyyətlər aradan qaldırılıb.
