Azərbaycanın Rusiyadan idxalı azalıb.
Banker.az Dövlət Gömrük Komitəsinə istinadən xəbər verir ki, Rusiyadan 2020-ci ilin yanvar-oktyabr aylarında ötən ilin eyni dövrü ilə müqayisədə 241 milyon 18 min dollarlıq və ya 13% az olmaqla 1 milyard 629 milyon 359 min dollarlıq mallar idxal edilib. 2019-cu ilin yanvar-oktyabr aylarında Rusiyadan 1 milyard 870 milyon 377 min dollarlıq mallar idxal edilmişdi.
Qeyd edilən dövrdə Azərbaycanın Türkiyədən idxalı isə 54 milyon 908 min dollar və ya 4.1% azalaraq 1 milyard 271 milyon 921 min dollar təşkil edib.
2020-ci ilin ilk 10 aynda Azərbaycanın Çindən idxalı isə 65 milyon 720 min dollar və ya 6% artaraq 1 milyard 144 milyon 427 min dollar təşkil edib.
İXRAC TÜRKİYƏYƏ ARTIB, ÇİNƏ KƏSKİN AZALIB
Azərbaycanın Rusiyaya ixracı 2020-ci ilin yanvar-oktyabr aylarında ötən ilin eyni dövrü ilə müqayisədə 4 milyon 519 min dollar azalaraq 565 milyon 560 min dollar təşkil edib.
Qeyd edilən dövrdə Azərbaycanın Türkiyəyə ixracı 5 milyon 91 min dollar artaraq 2 milyard 319 milyon 770 min dollar, Çinə ixracı isə 288 milyon 663 min dollar azalaraq 421 milyon 476 min dollar təşkil edib.
